Consorzi da scoula
Ramosch-Tschlin

Model directiv dal consorzi da scoula Ramosch-Tschlin

Motiv

Il consorzi da scoula Ramosch-Tschlin accumplischa la lezcha d’instrucziun pels uffants e pels giuvenils. La scoula sustegna i’l rom da l’incumbenza scolastica als genituors ill’educaziun dals uffants e giuvenils.

Las seguaintas valuors ans sun importantas: respet e sustegn vicendaivel, respet vers la natüra e vers chosas, toleranza.

 

Models
 

1.

Nus ans vezzain sco cumünanza in ün contuorn tradiziunal. Nus sustgnain però ideas progressivas a bön da l’uffant e da la scoula.

2.

Nossa scoula promouva las scolaras ed ils scolars cumplessiv e pussibiltescha üna buna fuormaziun ed üna buna preparaziun per la tscherna da mansters. Nossas scolaras e noss scolars dessan avair aignas opiniuns ed eir pudair exprimer quellas. Üna buna scoula es quia pels uffants.

3.

Nus spettain da tuot ils partecipants bunas prestaziuns. Per pussibiltar quellas s-chaffina bunas premissas ed ün bun clima d’imprender. Nouvas fuormas d’instrucziun e svilups didactics s’integreschan in noss’instrucziun. Üna buna scoula as sviluppa adüna inavant.

4.

Nus pussibiltain üna scoula effectiva ed effiziainta cun agüd da structuras cleras ill’instrucziun ed ill’organisaziun.

5.

Nos böt es da promouver la comunicaziun interna ed externa e da profittar dal brat d’ideas e d’aspets pedagogics-didactics